har saal pichle saal ki tarah nahi rehta
kuch khayal nahi rehte
kuch apne nahi rehte
har samaa uss samay jaisa nahi hota
vo bhi ek pal tha
ye bhi ek pal hai
aage bhi ek pal aaega
shayad iss samay se behtar
shayad kharaab
shayad hum apne gile shikvo ko bhul ek nayi shuruat karenge
jo pehle jaisi nahi hogi par kuch to hogi
kuch tum apni bataoge
kuch hum apni sunaenge
tum narazgi dikhana
me haath pakadkar tumhe kahunga me samjhta hun
kyunki sab ho jaane ke baad
raat so jaane ke baad
tumse na milne ke baad
tumhare kho jaane ke baad
bas ek mera tumhe samjhna hi hai
jiski vajah se me aaj bhi naraaz nahi hun
bas tumhari gustakhi se thoda sa hataash hun
tum to samjhte the… jaise kuch hi samjhte hai
aur jab mujhe samjhne vaale durr jaate hai
ya to duniya se ya zindagi se
bas tab hi dukh hota hai
tab hi ye dil rota hai
par khair
iss dard ko bhi mehsoos karna zindagi hai
aur zindagi mujhse behtar koi nahi jee sakta
aur ye safar chalta rahega
uske saath me bhi
मंच 