zindagi tujhe bhi shaunk ho gaya har ghari har mod imtehaan ka
hume bhi aadat ho gayi, har waqt, har din intezaar ki
wafa ke badle wafa na sahi, chah me rahe uski jo chah na saka
dekhe nahi usko jo ruka raha, har masle me humare uljha raha
ab dil uss be-dil ko diya hai, jo pyaar jaanta hai karna magar jaanta nahi
ab uske siva kahi aur dil laga lun, ye dil maanta nahi
jaante hai hum zindagi kya kya karvat legi, dikh rahi hai hume manzil
utaar chadhaav, khvahishe, navazishe aur ranjish
samajhte hai waqt aur rishton ki nazakat ko
par koi hume kyu nahi samjhata?
samjhta hai to kyu nahi milta?
milta nahi, jo meelo saath chale
milte vahi hai, jo mil ke na mile
ye raasta aansan nahi hota
manch ki aagosh jahan nahi hota
hota to ruk jaate musafir
hum haare hue ho jaate muntasir
chalo, tumhe tumhari haar ka haar mubaraq
hum iss jeet ke saath jeete jee na reh paenge
tum aake sambhal lo karobaar
ab ye mohabbat ka sauda nahi hota
tum aake dekh lo ek baar
ab iss sachai se dhokha nahi hota
ki jo guzari na ja sake
vo guzari hai humne
aur jo dil me tasveer hai tumhari hai
ab bhi jaan rukti hai tumpe
ki ab bhi dil jab lagta hai, to sirf lagta hai tujhse
ab bhi koi ishq ka tareeka seekhna chahe, seekhe bas mujhse
kyunki mere jaisa pyaar koi kar nahi sakta, kyunki mera pyaar tum ho
han khair ye dukh hai, ki abhi tum gum ho
meri maaya abhi khil khila rahi hai, dheere dheere mere paas aa rahi hai
meri zindagi se roshni ja rahi hai, saansein uspe haar rahi hai
mera saara ujaala uske andhere me utaar diya
aur apna jeevan,, uski aankhon pe vaar diya
ye ishq hai:
mere lafzon me ghulta hai
meri cigarette ke dhue me milta hai
kaliyon me khilta hai
dariya me milta hai
mera ishq hai
meri tabahi ki nishaani hai
gurudware ki gurubani hai
javaan khoon ki kurbani hai
mere khud ki zubaani hai
bohot pareshani hai!
par uski aankhon me dekh ke lagta hai
meri jaani pehchani hai
to ab sab bhul bhaal ke
sab tujhpe haar ke
sirf chah me pyaar ke
chale hai ghar yaar ke
ki ab to mil hi jaegi manzil
ab to ho hi jaenge fanaa
ek me, ek vo, aur meri chotti si tamanna
मंच 