jo haala na jhalke to kya khaak peene vala
aur jo sabke saath ho le to kya khaak vo matvala
apna rasta khud bana tu; chalta ja rah paa jaega
tapta jaa bas, rukna mat, ban jaega tu jwala.
jhuka jo sar, gaya jo ghar, kabhi nahi uth paega
vahi paata hai manzil apni jo chalta jaega
rone vaale ko na kandha, aur na maut baad kaandha hai
paani me daak gehri uski, tale me jalti jwala
mauj na uski, mauji lekin vo, taak raha hai sapno ko
naa umeed aur na puch, kaun kahe ab apno ko
mandir, masjid aag laga do, nahi rahe ab kaam ke
khud kare ab raksha khud ki, khud khuda aur jwala
khoj me raahi, chalta akela, ghum raha hai banjara
milte raah me jo apne, bhulta jaata awaara
puche koi gali ka pata, to keh dena deewano ki
dharam batana insaaniyat; kaum batana jwala.
id me topi pehne vo, aur diwali me jape maala
aadha aadha bat ta roz, phir bhi rehta saara saara
kar nishchay, utha kamaan ab, manzil pa jaega
barbaad karata hindu muslim, aabad karati jwala
मंच 