iss baar dilli murjha gayi hai
vahi thand hai
vahi saal hai
vahi din hai
vahi raat hai
par iss baar; sawaalo ke jaal me dilli aa gayi hai
pehle hasti thi, iss baar dilli murjha gayi hai
dekhe jab aansu dilli ke
to dil aisa toota ki jud na sake
dekhi darti dilli jab
aise taakat gayi baaju se
ki dam lagaye na bane
jabse rooh bhuli hai dilli
bani hai jaise bheegi billi
iss dilli ko jagana hoga
vaapas aane ka plan bana na hoga
dilli bhul chuki hai shayad
ki me bhul chuka hu purani dilli ko
unn galiyon ko unn qil lo ko
ab nayi dilli pe dil aa gaya hai
uski nayi aday-egi, rang roop aur aatma ab dil behlati hai
mujhe ye nayi dil ab zyaada bhaati hai
par dilli, samsyaein bohot hai
tum tez chalne ke chakar me gaon ke budhe baap ko bhul na jaana
vo ab bhi tumhare intezaar me betha hai
vaapas aa jao; uska dil behlana
aur me?
me bas tumhe dekh ke dil bhar lunga
tum jaisi ho bohot ho
mat badlna
badlogi to log sauda karenge
aur ye saude vaali dilli meri dekhi bhaali hai
fas gayi to samjhogi ki aakhir andar se ye kitni kaali hai
purani baatein yaad karogi
to uss jhuth ko kaise saaf karogi?
jo kabhi sach nahi tha
pyaar hi hai sirf ek sach
mujhse behtar kaun jaanta hai?
jo uske bina jeene ki zidd me chal diya tha
aur haar kar ghar lauta tha
tab
tab bas dilli ki aankhon ne hi bachaya tha
me jaanta hun sach, isliye mujhe kehne do
dilli ke dard tum mujhe sehne do
tum rehne do
main sambhal lunga sab kuch
bas tum hasti raho
vaapas aa gaya hun
dekhne,
ki aakhir kaunsi baat sata gayi hai
puchne
aakhir kyu dilli murjha gayi hai?
मंच 