Dhima ho chala hai waqt ka bahav
Isse ab jazbaat aansuon se kehne do
Rok lo bikharte rishte ko
Iss anjuman ko aaj me hi rehne do
Khol do darvaja, paar kar lo kivaad
Baaton ko aaj jaam ki tarah behne do
Mehsoos karo iss lamhe ko,
Aaj aur ab me hi jeevan ka saar hai
Ab me main hun, ab me tum ho
Ab me sab hone ko tyaar hai
Dil pe chaayi khaamoshi ab rehne do
Shabdo se pareshan hoti veerani ko sehne do
Akele pan me tu suna, me bhi, akele akele saath reh lenge
Kabhi dil dukha tha jab tu nahi ruki thi, ye shikayat aaj keh denge
Jab kahegi paas aa jaunga
Rukegi nahi to sapno me sataunga
“Laut aunga”
Taare vaahiyaat hai
Teri aankhon me asli raat hai
Tere gaal chaandni me lashkaare
Chaand ki andhere se fariyaad hai
Khol du tere baalon ko?
Bikharne du tere tan par?
Jeele te hai har din ko jeevan bhar
Har khaamoshi ko pal bhar
मंच 